Gazteak klima-aldaketari eta GJHei buruz pentsatzen
2023/10/16
- 2023/10/18
Gipuzkoako hiru ikastetxe
130 pertsona bertaratuta
Helburua
Jarduera honen helburua batxilergoko ikasleei klima-aldaketaren, Agenda 2030en eta Garapen Jasangarrirako Helburuen (GJH) garrantzia hurbiltzea da, bai eta gazteek klima-aldaketaren arazoa nola hautematen duten, arazo horri buruz duten ezagutza-maila eta GJHak lortzeko bakarka eta taldeka egin ditzaketen ekintzak ezagutzea ere.
Trivial Pursuit formatuko jarduera gamifikatu eta parte hartzeko dinamiken bidez (fisikoak nahiz digitalak), gazteak sentsibilizatu, haien ezagutza areagotu eta parte hartzeko gune bat sortu nahi da, gazteek klima-aldaketaren eta jasangarritasunaren arazoei buruz gogoeta egin dezaten. Hainbat galdera eta erronken bidez, garapen jasangarriaren agendarekin lotutako helburuak, xedeak eta adierazleak ezagutuko dituzte. Halaber, gazteek beren esperientziak partekatzea eta klimari eta biodibertsitateari buruzko GJH lortzeko proposamenak egitea da helburua.
Jarduera horiei esker, gai horiei buruz duten ezagutza-maila, kezkak eta portaerak zeintzuk diren jakin daiteke, baita ohiturak aldatzeko duten jarrera ere. Horri guztiari esker, bereziki publiko horri zuzendutako klima-aldaketari buruzko sentsibilizazio- eta kontzientziazio-ekintzak diseinatu ahal izango dira.
